準媽媽都想留住最美一刻, 大多都會去影大肚相, 小妹都係其中之一,分別於hotel, outdoor, studio影左几輯。另外, 因好多studio都唔包化妝, 所以我地都有不少準媽媽客人。但都有準媽媽由於唔想另揾化妝師咁麻煩, 都會自己化妝去影相, 所以小妹今日想同大家分享下大肚相化妝小小心得, 希望幫到你地啦。
準媽媽有好多skin
care都唔可以用, 好似anti-age, anti-wrinkle, whitening,
firming…etc, 又未必夠訓, 所以皮膚有机會狀態唔太好, 為左影相個妝貼D, 影相前, 要好好休息同做返個保濕MASK喔。
大家多數都會向32weeks後影相, 哩段時間好多媽媽開始水腫, 又或者比之前幸福左少少, 當包包面出現時, FOUNDATION盡可能唔好用SHEER/閃果D, 用左好大機會打燈影相後, D相會比人感到更腫更圓。另外要留意會唔會頸同面兩個色, 因為哩點執相都未必執到, 尤其係黑色相。
大多數客人都要求靚但要自然妝容, 自己都唔例外, 最自然同最保險色系, 就一定係NATURAL COLOR, 以下有几個色我自己推介。深色做主眼影, 少少閃就只係點一兩下做返眼型立體感。
胭脂同LIPSTICK都係, 唔洗太紅呀。睫毛功用主要令對眼有神, 圓同大, 大家可以考慮用中間長少少, 或尾比較長GE款式。下面兩款就算用兩對都好自然嫁。
SHADING + HIGHLIGHT方面, 就真係要好睇化妝師功力啦, 攝影師打燈同用唔同光圈影, 都要用唔同情度SHADING + HIGHLIGHT, 如果自己化, 又唔知個妝化得好唔好, 就可以要求攝影師影一張, 睇下效果先。有問題就可以補一下妝啦。 另外, 影到中間要留意返自己有無甩妝呀, 有就用少少時間補一下。如果多人要求, 小妹至開BLOG 大家分享下呀。
大眼仔方面, 帶d比較自然, 推介1 • DAY ACUVUE® DEFINE, 一來1 DAY 比較亁淨, 對眼唔會咁易敏感同發炎, 另外, 仲比較透氣唔會咁易眼紅, 唔習慣帶大眼仔GE你, 可以試下呀!!
希望今次分享幫到大家啦, 因為個妝有問題, 攝影師都未必執到, 就算執到, D相好似好假咁, 咁就失去左大肚果份美感啦。下次有机會同大家分享下影大肚相要注意D咩同著咩衫呀!!
<---出賣自己, 妝前妝後
