éternité makeup - Makeup and styling for bridal, event and creative work

2014年4月2日星期三

化妝師必備 ~ 眼藥水推介REFRESH PLUS LUBRICANT EYE DROPS

新娘子想大眼, 除左靠化妝之外…當然係大眼仔啦..

但用過既都知其實好焗, 好易有紅筋仲對con好刮眼

所以眼藥水好重要嫁, 而我就好like呢枝Refresh Plus, 全人工淚液無防腐劑

每枝0.4ML, 每次拎開用唔會話成樽嗰啲咁怕開左有菌呀

所以就算新娘子唔記得都唔怕…HAHA..因我個箱一定會有

2014年3月31日星期一

Secret key ~ Secret Kiss 5件套裝的凝膠眼線筆+刨產品試用 , Secret Kiss Twinkle Gel Pencil Liner Box Set Rose Edition Product Review 不脫妝眼線 non smudging eyeliner

今次小妹想介紹自己近來愛上ge眼線筆比各位sis。我本身都幾多眼油, 好易甩妝, 今次試用Secret Key – Secret kiss Twinkle Gel Pencil Liner Box (Rose Edition), 係韓國人氣眼線筆, Selling point係防水防油程度達至極級！

包裝盒呎吋：W9cm x H13.3cm

一盒5枝限定版玫瑰花鐵盒包裝(包刨), 價錢都算合理, 大約HKD120.00.

其實我想買好耐啦,, 因佢個盒真係好靚..HAHA

顏色： Peach Glam Gold、Star Purple、Fever Choco Brown、Deep Black (全部都有少少閃)

幾個色都好用, 無論係日妝, 晚妝, 大眼妝…..一盒就搞掂晒, 好方便。試上手時, 好滑, 好易控制又易上色。

每支0.8g, 而且筆頭都粗度適中

ß用手指捽都無甩色

ß用水沖完再用手指捽都無甩色

ß用椰子油按左大約5下, 係有少少甩色, 但防油力其實唔太差, 因為椰子油可以卸妝

自己試左上眼, 用左深啡眼影, 但都好顯色, 向天氣濕度95%, 26度氣温下, 我出左去OUTDOOR工作, 就算走來走去,全日都無點甩妝, ……就係咁, 愛上左佢。

有興趣可以去以下web看看Secret Key的Product.
Secret Key

2014年3月28日星期五

Product review for Meishoku Go! Leopards Dramatic Eyeliner 產品試用- 明色豹變兩用眼線筆

話說今天係小妹既生日, 但一大班好姊妹已經預早要同我食生日飯...好開心..HAHA..但我早左到喎..當然係周街濕平啦..

行到去SASA見到佢一下子就吸引我啦.. "豹變" ??? 有幾豹先...? 見佢又唔貴所以就帶左反屋企LU...HAHA

佢係後面都有中文instruction教你點用

佢係由一边黑色的liquid eyeliner同一边係深啡的eye shadow powder pen組成...佢個教學話先用眼線再後加眼影blend開佢..但我試過佢係liquid 都快乾你要快手, 最好一边化完到另一边

佢枝筆杆都係豹紋..HAHAHA...另外呢佢個liquid eyeliner筆頭都好尖..好順好滑

而上左手同眼的效果都OK. 但如你上一次我個人就覺唔夠深.. 上兩層效果好啲.而值得一讚係佢個棉頭係尖既, 去到啲眼角位..設計比一般眼影棒好, 又細又尖可以去到open eye

上左一層色, 其實都好OK, 係日妝

但我個人較LIKE深啲..所以上多次

HAHA..係呀我係素顏化的,,,沒有用eye primer也沒有pack粉, 當然沒有粉底...HAHA

我要咁去試係因為,如咁都KEEP到一日沒甩..咁都真係用得過....FINAL...到我食完LUNCH都OK..咁你都得..因我..早上坐車反工訓左一陣..LUNCH也小睡了..HAHA..如你用埋eye primer應該更出色同更long lasting

MUM..如你問我豹唔豹....我會答你...唔太豹..佢唔會好誇但一般女仔絶對carry到..諗到一次搞掂晒..HAHA..可以好放係手袋隨時補同加深色...咁你早上又可以訓多一陣..呢啲聰明design product...手袋must have, 因你唔知會唔會突然有飯局要加深下個妝...HAHA...呢個都幾好玩..

2014年3月26日星期三

去專櫃買粉底...連化妝小姐都簡錯色...? WHY ?? (純文字分享) NARS 及YSL的親身經歷

買左新既妝品, 當然開心啦….但反到屋企再用先發現買錯左顏色

如係…自己去買開架貨…最多係百零蚊既事, 可能你會放係到..過一排..送去堆田…但咁係咪去專櫃買就一定冇事???咁你就錯啦。

以下係我一個買粉底既經過。。。話說我好愛YSL的粉底因佢好貼好透氣

但之前我係機塲瘋買foundation同concealer 都用完了。。　

剛好行街係銅鑼灣咁就要入下SOGO敗下啦哈哈，入到去見到佢有枝加左保濕成份的新出foundation. Packing好靚但個coverage就差少少。。同可能加左精華素所以香味都濃左啲。。因我未太愛太香的化妝品。。所以都係買反佢Traditional的foundation但今次看的清爽版。。好正好想買但因我要既色佢未有貨。。。而當時我試過的係BR20色。。呢個色好岩一般香港女仔。。其實自己都心中有數應該係呢個色因平時都係咁用。。ＨＡＨＡ但死都要試下。。

可惜佢冇晒貨呀。。。。。唉。。。

之後過左幾日。。。同左表妹們去JW食tea buffet當然要去下YSL啦。。ＨＡＨＡ。。其間我同仲去過NARS才去YSL

去到NARS表妹想買foundation, ok啦就去試下。。個SALES用左啲PRODUCT 去同佢打底。。先係清潔同卸妝，再係COLOR TONE作用的BASE，之後仲有個可以遮毛孔的STICK PRODUCT. 最後先上FOUNDATION. 而上的方法係用個海棉上。。。但佢啲手法有少少事。。首先，佢係用個海棉點粉底液而個海棉係乾既。。個海棉乾就當然會吸水份啦。咁都吸晒啲PRODUCT仲會有啲咩係我表妹面到呢? 但如係咁情況下都可以上到就即係話你上多左好多粉底囉。。一大PAT咁上左去。。封實成個面。。最後佢發現LAI野啦。。佢簡錯色。。表妹的面好黃。。佢又用海棉抺反。。用另一個色再上。。但今次佢個手法唔敢用太多。。好輕咁上。。咁即係冇點用到啲PRODUCT..咁我點知個FOUNDATION岩唔岩呢？何況個底都比你搞黃左啦。。咁點會準呢。所以大家冷靜過後都走左啦。。ｈａｈａ

到我個目的地YSL, 哈哈，都係嗰句啦明知咩色都要試多次。。

個MUA都係先做makeup remove, moisturize, 佢今次仲用埋個YSL CC CREAM佢同我用rose color, 之後用海棉再上粉底。。哈！！　你估下佢用左咩色　？係BR04…

Yes..你沒看錯呀。在Sogo時係BR20但係金鐘廊係BR40。足足相差成兩個tone.

聽過呢個幾件事你可以找到共通點，點解會唔岩色？下回分解…HAHAHA

以下係BR40 , 你會明顯見到唔岩色...我都會照買...因我有方法令佢岩反我用..HAHA..當然留意我下次啲POST啦...