12蚊店平民之選..好物推介

又係去平價尋好物GE時候啦, 今天係去12蚊店…

頭位最愛係DAISO 的eye brow coat, 

想要買唔溶唔化眉的product 都係大品牌好似Makeup Forever, Shu Uemura, Smash Box, Nars

但係都唔平..要幾百蚊…所以有好多人都唔想特別花錢去投資..

12蚊店呢隻皇牌就幫到你, 只係好似平時畫眉後用少少係眉上就唔會化唔會溶…

第二位最愛就係Everbilena Cosmetics 呢枝Clear Mascara

有時如想有時精神感,找會夾完睫看後用佢再加內眼線. 都HOLD到也不怕會溶..同埋如你約左人要NIGHT DATING唔想有黑黑的框框係眼到都可以用佢

而最近Top Model Clara嗰對上揚眉, 你都可以畫完眉後用啲clear mascara配合風筒就化到..一物多用..又平..太正了..

第三位係…….Daiso Japan…係又係呢個品牌…哈哈..

一個叫Brown Mix 的眼睫毛collection, 

你可以話好多地方好似台灣, online shop, SASA, 卓越都有得買啲啡的的眼睫毛…但我會like呢個collection 的原因係..

首先佢係透明軟梗的, 弧度好合我眼(因我係小眼同腫腫的單眼皮)..HAHA

另外, 佢的啡色唔明顯…唔會話好似你去街外買的..太涉谷FEEL. 如你同我一樣好愛買下同儲下眼睫毛咁你可以用呢個collection同 Dolly Wink或係SASA找到的高價日本nude系眼睫毛對比下..你會現..太似了…

但個價錢係佢地的十份之一

當用時不用CUT太多, 全日唔會梗眼. HAHA…有時用太濃太黑的眼睫毛再用color con個感覺太人工了…用呢個會自然好多. 我常用有兩個款但個人都係LIKE….NO.3…佢濃但好自然…尾長款但沒有長到勾起的感覺, 平日好岩用.

呢個係我未貼前...

用NO.5

用NO.3

Product review of MAC Electric Cool Eye Shadow and Rich Lipstick敗了最新的MAC眼影Novel Romance系列分享.

本來只係去諾士佛台到飲野, 咁見約的FD未到..咁未行下附近shopping mall. 同想食少少野…..但諗來諗去..咁大雨..都係去反The One 12蚊店的Bento Express食飯團…KEKE…

又可以行下街…本身係想…window shop…但…又敗左啦…

去到MAC個Counter 同Phoenix 不能自拔….(P.S Phoenix 係Eternite Makeup的其中一個MUA..my sister….HAHA)

新系列係Novel Romance….其實好似好耐年前啲羅馬神話戲…HAHA…..

 

佢今次推出的Electric Cool Shadow, 係柔閃眼影, 有點珠光..有淺淺的香檳色到深黑都有..

呢啲就係今次我買左色…分別係..Blacklit(黑色), Superwatt (金銅色), Coil (啡色) 每個$190

上手的色係好pigment, 而上左眼也好舒服, 但用前記得用eye primer/eye base.我都用過三隻色..好出好貼同唔甩..正..

未有佢之前我的早上最愛係Bobbi Brown的Cream Shadow Stick但有佢之後….全天候愛上..因佢好多色比我簡唔會好似BB咁得某一兩隻色靚…

只要三盒, 用手指唔洗5分鐘就化到smoky, 加反啲眼線又可以去訓多陣先反工..HAHAH

佢同一般cream shadow一樣但就不用pack 粉做finishing. 勁方便但同gel eyeliner特性相似…一開就要取好份量之後快啲上反個蓋唔係好易乾嫁..

另外也敗了今個秋天的;新lip color….不得不提佢枝lip primer

全名係PRE+PRIME LIP $180, 係上lip color前的打底. 作用係等你個咀唔會因用LIPSTICK, LIPGLOSS而有色素沉澱. 佢最讚係平時你會話..咁ge野用一般潤咀都ok…如你用一般潤咀再上lip product個唇色唔持久同因太潤滑, 在你上唇膏時好易走位…也浮色..但呢枝打底就全部以上的問題都冇…

RICK LIPSTIC 分別係DIVINE CHOICE(粉紅), STYLE APPROVED(橙) $230 好水潤的質地, COLOR都好自然好百搭, 用完會有KOREA GIRLY FEEL但唔會好誇所以連平時少買唇膏的我也忍唔住呢…haha…下個月唯有慳啲啦…

眼影胭脂碎了, 點算好???How to fix a crushed broken eyeshadow or blush ?

咁貴買個eyeshadow / blush反來, 但一下唔覺就掉碎左
你都咪話唔心痛....唉 !!

特別係有時要起左啲眼影/胭脂入鐵盒, 方便自己幫人化妝
起時整裂左, 一啲都唔奇
但總有方法救ge...

你要的工具
1/ 壓捧 (可以在美容店找到, 如沒鋼的可以用你買mask時送的那種小膠捧)
2/ dropper (滴管, 或用你essence 的dropper也可但要先清潔)
3/ 75% alcohol (純酒精)
4/ 保鮮紙一小張
5/ 化妝棉一塊
6/ 風筒

• 先把碎眼影加入酒精以壓捧按壓直到smooth晒為止
• 之後上面加上保鮮紙同摺厚了的化妝棉, 用壓捧再壓
• 最後用風筒吹乾 (也可以自然乾)

TIPS

1. 酒精唔好一次過加太多, 
2. 按壓時唔好太大力搞埋啲空氣入去
3. 風筒不可以吹太長時間, 見有8到9成乾要收手等佢自己乾唔係好易會又裂反

ettusais零毛孔潔面乳 & 去角質嫩肌面膜 產品試用報告ettusais pore care wash and peeling milk product review, good product for sensitive skin,brightening skin product

一向都係皮膚敏感的我其實係油油肌的代表,所以就算係好敏感. 為了唔會有士多啤梨鼻我都會做下PEELING. 我所要求的PEELING當然係唔好用完會痛啦, 發紅啦. 或者係過乾, 同埋要有明亮感

之前有sis介紹我同CITY SUPER的山竹, 用body冇事但上左面就真係有啲痛...唉.之後都買咗其他brand來試, 一係個price有啲高, 一係就用完無咩明亮感

直到見到佢 ettusais, 係佢並唔係新GE品牌. 都一段時間LU. 可能同樣的PRODUCT都有SIS做過 REVIEW..但我直係用成大半枝都無事才POST因自己都係敏感底唔想有人用左出事看醫生就慘LU

PRODUCT 簡介

去角質嫩肌面膜(升級版) 125ML $160

AC-CONTROL OIL, 過敏性測試, 弱酸性, 無添加, 無香料, 不含酒精

添加檸檬精華GL, 有亮白水嫩效果, 升級植物纖維, 乳液瞬間化成粒粒, 去除黑色素老化角質及皮脂污垢

 洗面後, 在乾爽肌膚上取一個圓形份量, 避開眼,眉及唇部. 用指尖以打圈方式按摩20秒, 化成粒狀後用清水洗淨

零毛孔潔面乳 125ML $180

 如忌廉般高密度的泡沫,有效深入潔淨毛孔,吸走過多油脂及不飽和脂肪酸 

 肌膚滋養成份及ac control oil成份,修護荳荳同時為肌膚表面保留水份. 

 豐盈的泡沫,可減低對肌膚的磨擦 

<使用方法>

 取出約1元份量,逐少加水至起泡。泡沫形成後利用打圈方式清潔面部,並用

 溫水沖洗

好多美容品牌都會叫你做左PEELING先再用FACIAL WASH, 因為怕PEELING的能力太強如洗面後用 

因你的皮膚己在洗面時吸了點水, 角質變得鬆軟, 毛孔也受了水温而擴張. 如再用PEELING好易會過度除角質. 之後當然會痛吧. 所以一般BRAND會叫你PEELING左先洗面

但呢個BRAND剛好相反, 佢SUGGEST你洗左面先. 咁我就唯有跟足個DIRECTION做.

質地係乳霜狀用少少的洗面己有好多泡, 好軟好舒服呢

洗左面就用PEELING啦, 有淡淡的LEMON味, 好清. 開始上面. 好快就吸收左.

唔洗好用力己有老化角質出來了,由於用過温水洗面毛孔擴張了, 老癈層也鬆了. 用完後的毛孔內的小白頭都出了來, 用毛巾輕輕己抺到少少黑頭

洗完後, 沒有紅, 沒有痛, 白了, 明亮感加倍

 

另外, 平時用佢的洗面加埋洗面刷都好OK 嫁。 可以TRY TRY

Unique design for baby and mum, sweet couple sliver necklace, 特別訂製純銀頸鍊首飾, 純銀首飾潮物 @親子@情侣@

今日分享ge唔係化妝或skin care, 係其他野喔。我太迷戀自己個小朋友啦, XD……XD…….由bb出世到而家, 一直都想揾件代表佢ge 銀器飾物, (個人係純銀飾物愛好者), 可以返工時日日帶住, 所以一直就揾唔同GE飾物店, 睇下有無新發現。

其實有好多ONLINE SHOP都有訂造銀器, 不過價錢同質素就有好大差別。就向上星期, 就揾到一間 ONLINE SHOP, 睇左實物相都几靚, 而且價錢又唔貴, 而且仲做緊PROMOTION, 所以就訂左一條頸鍊試下。一話訂頸鍊, 店主就報晒價錢比我, 例如白金色/銀色/玫瑰金色几錢, 加水晶几錢咁, 唔會話之後講揀好款至定價錢。

比左個”寶貝豬個名”佢之後, 第二日咋, 就SEND左20個design比我揀。個個design 都好有心思, 但我自己鐘意d簡單野, 所以就同店主傾下自己想要ge design, 店主好好人呀, 一口就答應左我幫我造。另外好慚愧, 生完後都未修到身, 怕頸鍊長度太短, 店主好主動幫我加長左頸鍊, 好感動。

定好款後, 店主好快手, 唔洗一個星期, 我就收到貨啦, 包裝內有說明書, 教晒點去保養條鍊, 仲送左兩塊洗銀布比我tim…..

 

真係好開心, 終於收到代表寶貝豬GE 飾物, 一收到就即時帶上, 由於我本身皮膚係勁敏感ge人, 試帶左3日, 沖涼都無除呀, 一d都無皮膚敏感, 而且色澤一d都無變。值得推介…!!

 

其實今次係試買性質, XD…..XD…..因為店主有好多PRODUCT, 唔只係頸鍊, 所以會繼續買黎自用或送比人。

如果大家想睇多D款可以SEARCH 以下WEBSITE

http://www.silver925hk.com/

 

而PRICE方面可以聯絡

https://www.facebook.com/ys.chen.3576

 

L'Oréal緊緻V形塑顏精華 REVITALIFT V-SHAPER ESSENCE V SHAPE YOUR FACE: RETIGHTENS, LIFTS UP, REPLUMPS PRODUCT REVIEW 產品試用

HAHA..減肥這回事, 除左瘦身..仲要瘦面.

面又冇得做運動. 故緊緻瘦面的產品同美容儀真係好重要

個個而家都係影完相就POST. 雖然有神APP修相但都不能同真人差太多. 要好好保養呀.

近日BUY左L'Oréal緊緻V形塑顏精華

聲稱可以緊緻面部, 提升輪廓, 令皮膚回彈..HAHA..就買左幫大家做下測試

內容聲稱有以下主要成份 :

肌膚表面緊緻：PRO-TENSIUMᵌᴰ

3種緊緻成分會產生出一塊<<隱形貼>>，提供收緊及提升肌膚的3D立體作用。

抗浮腫系統：CAFFEINE + ESCIN

配方裡蘊含能對抗浮腫的成份，配合V形塑顏按摩，有效緊緻肌膚。

包裝係紅色..唔知點解, 覺得好似個BOTTLE好似炒某品..HAHA...

都好細心, 教埋你點用同點按. 佢除左瘦面仲話可以提升蘋果肌. 真係要留意下個手法先

白色的乳霜, 無咩特別, 上左面時只係涼涼地..同好快吸左.唔笠..

HAHA..呢個就係我用左一個WEEK的成果, 由於從小到大都係肥肥地面圓圓

故如你話可以用完有V煞咁我反而唔多信.. 咁你不如去打針啦....HAHAH

但佢MENTION係收緊同提升. 咁又真係舊肉肉係細左少少. 但比係如用瘦去形容我諗...不如話去左水腫..會較貼切

因每天都好努力地按摩, 但其實如ONLY按摩我用其他緊緻精華都OK..

結論係, 如你要EXPECT會有一個"全新"的V面, 佢應該唔得...如你只係想有少少緊同修形的果咁呢個平民品牌都OK